Azərbaycanın MMA döyüşçüsü Nəriman Abbasov (77 kq) “Hype Fighting Championship” turnirində qüvvəsini sınayıb.

Prosport.Az xəbər verir ki, həmyerlimiz Moskvada keçirilən yarışda kəmər uğrunda yerli idmançı Marif Pirayevlə üz-üzə gəlib.

5 raund davam edən döyüşdə hakimlərin yekdil qərarı ilə rusiyalı qalib elan olunub. Bununla da Pirayev 2022-ci ildə Abbasova uduzduğu görüşün revanşını alıb.

Gecədə digər döyüşçümüz Emil Novruzovun (70 kq) rusiyalı Harun Boziyevlə döyüşü nəzərdə tutulsa da, idmançımız rinqə çıxmayıb.