Azərbaycanlı "Pələng" ləqəbli kikboksçu Qəşəm Məmmədov Türkiyənin İstanbul şəhərində “Loca Fight Club”un təşkilatçılığı ilə keçirilən Qran-prinin qalibi olub. 

Prosport.Az-a verilən xəbərə görə, 81 kq çəki dərəcəsində keçirilən yarışda idmançımız türkiyəli rəqibləri – 1/4 finalda İsa Göçməni, yarımfinalda Berat Altıntopu və finalda Alirıza Qambarini məğlub edərək çempion olmağı bacarıb və ilk dəfə olaraq türkdilli dövlətlər arasında ən böyük kikboksinq Qran-pri turnirinin çempionu adını qazanıb.

Qeyd edək ki, Qəşəm Məmmədov Dövlət Sərhəd Xidmətinin mayoru, Əməkdar məşqçi Fuad Zeynalovun tələbəsidir.