27-28 yanvar tarixində Azərbaycanda "Levante" futbol klubu və "Atletiko Baku" FC-nin birgə əməkdaşlığı nəticəsində seleksiya məşqləri olacaq.

Prosport.Az-a verilən məlumata görə, 2006-2007, 2008-2009, 2010-2011-ci il yaş qrupu üzrə Bakıda məşqlər təşkil ediləcək.

"Levante"nin idman direktoru Daniel Pastor və həmin klubun 1 məşqçisi bu məqsədlə Azərbaycana səfər edəcək. Ən yaxşı 15 futbolçu Bakıda bəyəniləcək və onlar 2 həftəlik İspaniyanın Valensiya şəhərində məşqlərdə iştirak edəcək. İspaniyadakı məşqlərdə özünü yaxşı tərəfdən göstərən 2 futbolçu isə tam təmənnasız "Levante"də futbolun sirlərinə yiyələnəcək.

Qeydiyyat üçün son tarix 15 dekabrdır. Əlaqə nömrəsi: +994 51 734 06 06 (Seleksiya koordinatoru Namiq Cəfərov).

Qeyd edək ki, Xalid Hacının baş direktoru olduğu "Atletiko Baku"nun vasitəçiliyi ilə daha əvvəl – 1-10 sentyabr aralığında Valensiyada 2008-ci il təvəllüdlü 10 futbolçu təlim-məşq toplanışında olub və onların 5 nəfəri (Əli Əhmədov, Tunar Mehdiyev, Sabutay Hacı, Ayhan Abbaszadə, Sübhan Əsədzadə) "Levante" futbol klubuna seçilib. Həmin futbolçular artıq 2025-ci ildən etibarən futbolçu karyeralarını "Levante" klubunda davam etdirəcək.