Azərbaycanlı kikboksinq hakimi Aydın Ağabəyov Avropa çempionatının ən yaxşı rinq hakimi seçilib.

Prosport.Az-a verilən məlumata görə, 1-11 noyabr tarixlərində Yunanıstanın paytaxtı Afinada keçirilən kikboksinq üzrə Avropa çempionatında Azərbaycan Kikboksinq Federasiyasının Hakimlər Kollegiyasının müavini, beynəlxalq “A” dərəcəli hakim Aydın Ağabəyov ədalətli idarəçiliyi ilə yadda qalıb.

Aydın Ağabəyov ədalətli və qüsursuz hakimlik etdiyinə görə Avropa cempionatının ən yaxşı kişi rinq hakimi (Best Male Referee Ring) seçilib. Bu səbəbdən ona təşkilatçı WAKO tərəfindən xüsusi kubok verilib.