“Son günlərdə yağan yağışlar səbəbindən yaxşı olmayan ot örtüyündə oynadıq. Xoşbəxtlikdən bu çətin şərtlərə daha yaxşı uyğunlaşdıq”.

Prosport.Az xəbər verir ki, bunu Macarıstanın U-17 yığmasının baş məşqçisi Nemet Antal deyib.

Mütəxəssis Avropa çempionatının seçmə mərhələsinin Azərbaycan millisi ilə oyununu dəyərləndirib: “Biz ilk 20 dəqiqəni çox yaxşı keçirdik. Hesabı erkən qolla açdıq, 2-ci qol isə komandanı arxayınlaşdırdı. Mən təkcə nəticə deyil, oyundan da razı qaldım. Biz bütün görüş boyu matçın axarına nəzarət edirdik. 4 topdan başqa daha 3-4 qol vura bilərdik, amma əlverişli imkanları qaçırdıq. Bu qələbə komandaya digər 2 qarşılaşma üçün özünəinam verə bilər. Biz qarşıda 2 çox güclü rəqiblə üz-üzə gələcəyik”.

Qeyd edək ki, millimiz Macarıstana 0:4 hesabı ilə uduzub.