Azərbaycan Respublikası Dövlət Sərhəd Xidmətinin (DSX) zabiti, mayor Fuad Zeynalov 9 illik fasilədən sonra Avropa mükafatçısı olub.

Prosport.Az xəbər verir ki, hazırda həm də DSX Xüsusi Məktəbinin Tədris Şöbəsinin fiziki tərbiyə müəllimi işləyən Zeynalov Yunanıstanın paytaxtı Afinada keçirilən kikboksinq üzrə Avropa çempionatının veteranlar (usta idmançılar) kateqoriyasında 94 kq çəki dərəcəsində vuruşaraq Avropa 3-cüsü olub.

Fuad Zeynalov kikboksinqin “Kick Light” versiyasında yarımfınal döyüşündə yerli idmançı olan Stefanos Pantazislə qarşılaşmada uduzaraq bürünc medalla kifayətlənib. O, hesabda 3:0 öndə olsa da, sonda cərimə xalları ilə uduzub.

Yarışın qalibi isə yunan idmançı olub. Stefanos Pantazis macarıstanlı Andraş Dohanyoşa qalib gəlib.