“Neftçi”nin futbolçusu Kamil Məmmədov 17 yaşadək futbolçulardan ibarət Azərbaycan milli komandasının (U-17) heyətindən çıxarılıb.

Prosport.Az xəbər verir ki, tibbi müayinədən keçdikdən sonra həkimlərin rəyinə əsasən futbolçunun toplanışdan kənarda saxlanılması qərara alınıb.

“Sabah”ın oyunçuları – Həzrət Səmədov və Əlibəy Mahmudov isə UEFA Gənclər Liqasında İsveçrənin “Bazel” klubuna qarşı keçiriləcək matçın ardından noyabrın 6-da toplanışa qoşulacaq.

Qeyd edək ki, U-17 noyabrın 4-7-də Qəbələdə, 8-9-da Bakıda təlim-məşq toplanışı keçəcək. Millimiz noyabrın 10-dan 20-dək Rumıniyanın paytaxtı Buxarestdə keçiriləcək Avropa çempionatının seçmə mərhələsində Macarıstan, Yunanıstan və Rumıniyanın müvafiq yaş qrupundan ibarət komandaları ilə qarşılaşacaq.