Azərbaycanlı kikboksçu Bəhram Rəcəbzadənin “Glory Collision 7” turnirindəki döyüşü stadionda baş tutacaq.

Prosport.Az xəbər verir ki, 32 yaşlı idmançı görüşünü dekabrın 7-də keçirəcək.

Rəqib İsveçrə vətəndaşı, milliyyətcə şimali makedoniyalı Daniel Stefanovski olacaq. 28 yaşlı Stefanovski peşəkar rinqdə 29 döyüş keçirib. O bunların 22-də qələbə qazanıb, 7-də məğlub olub.

Bu döyüş gecənin 4-cü qarşılaşması olacaq. Gecənin əsas döyüşü isə niderlandlılar – Riko Verhuven və Levi Rixters arasında baş tutacaq. Ötən döyüşdə Bəhram Rəcəbzadəyə zədə üzündən qalib gəlmiş Rixters məhz həmyerlisindən "Glory"nin ağır çəki dərəcəsi üzrə kəmərini almağa çalışacaq. 

Döyüş Niderlandın Arnhem şəhərinin "XelreDom" arenasında təşkil olunacaq. Belə tədbirlər üçün 40 min tamaşaçı tutan bu stadiondan 1998-ci ildən "Vitess" komandası istifadə edir.