Monteneqronun paytaxtı Podqoritsada təlim-məşq toplanışında olan 18 yaşadək futbolçulardan ibarət Azərbaycan milli komandası (U-18) yoxlama görüşü keçirib.

Prosport.Az xəbər verir ki, Füzuli Məmmədovun baş məşqçisi olduğu U-18 Monteneqronun müvafiq yaş qrupundan ibarət komandası ilə qarşılaşıb. Oyun meydan sahiblərinin 2:0 hesablı qələbəsi ilə yekunlaşıb.

Millimizin heyətində bu futbolçular çıxış edib: 1. Həbib Hüşənov, 6. Nadir Orucov, 23. Rəşad Alışov, 3. Cavid Məlikov (21. Murad Mustafayev, 46), 5. Əli Nəbizadə (2. Ömər Əliaslanlı, 46), 7. Əkbər Məhərrəmov, 10. Babamirzə Mehdiyev (19. Əli Qurbanov, 75), 8. Emin Feyzullayev (15. Elnur Cabbarlı, 75), 18. Arzu Mədətov (9. Ömər Kərimov, 85), 17. Ziya Şəkərxanov (16. Əmir Əliyev, 62), 11. Röyal Fərzullazadə (20. Rauf Qafarov, 62).

Qeyd edək ki, komandalar arasında 2-ci yoxlama görüşü sabah keçiriləcək.