Azərbaycanın daha 2 güləşçisi dünya çempionu olub.

Prosport.Az xəbər verir ki, bu il Avropa çempionu olmuş ihat Məmmədli (63 kq) 1 gün əvvəl yarımfinalda erməni Karen Aslanyana 6:1 qalib gələrək finala çıxmışdı. Güləşçimiz həlledici qarşılaşmada qazaxıstanlı Yerjet Jarlıkassına də şans tanımayaraq (6:1) ilk dəfə dünya çempionu olub.

Ötən ilin Avropa çempionu Ülvü Qənizadə (72 kq) 2 il əvvəl olduğu kimi dünya çempionatının finalında çıxış edib. Lakin o bu dəfə şansını əldən verməyib. 25 yaşlı güləşçimiz Fransanı təmsil edən misirli, son dünya çempionu İbrahim Qanemə 3:2 hesabıyla qalib gələrək ilk dəfə böyüklər arasında dünya çempionu olub.

Qurban Qurbanov (82 kq) bürünc medal uğrunda qarşılaşmada türkiyəli Ahmet Yılmazla bacarmayıb – 1:8.

22:20

Azərbaycanın yunan-Roma güləşçisi Eldəniz Əzizli Albaniyanın paytaxtı Tiranada qeyri-olimpiya çəki dərəcələri üzrə keçirilən dünya çempionatında qızıl medal qazanıb.

Prosport.Az xəbər verir ki, 55 kq çəki dərəcəsində mübarizə aparan idmançı finalda iranlı Puya Dədmərzlə üz-üzə gəlib.

Görüş 1:1 hesabı ilə başa çatsa da, xalların keyfiyyətinə görə E.Əzizli qalib gəlib. Bununla da o, karyerasında 4-cü dəfə dünya çempionu olub və Azərbaycan güləş tarixinə ilk dördqat dünya çempionu kimi adını yazdırıb.

Qeyd edək ki, Eldəniz Əzizli 2018, 2022 və 2023-cü illərdə də dünya çempionu olmuşdu.