Azərbaycanın qadın güləşçiləri Bəhreynin paytaxtı Manama şəhərində keçirilən Gimnaziada İdman Oyunlarında 3 medal qazanıblar.

Prosport.Az xəbər verir ki, Nəzrin Əhmədli (43 kq) qızıl, Esra Məmmədli (57 kq) gümüş, Fatimə Bayramova (53 kq) isə bürünc mükafata sahib çıxıblar.

Qeyd edək ki, ötən gün Azərbaycanın sərbəst güləşçilərindən Hüseyn Hüseynov (55 kq) və Həsən Həsənov (60 kq) birinci, Fərhad Süleymanlı (92 kq) ikinci, Fərid Ağasızadə, Hüseyn İsmayılov (hər ikisi 65 kq), Rəşad Veysəlov, Nihad Abasov (hər ikisi 71 kq), Nihad Süleymanlı (80 kq) və Hakim Tağıyev (110 kq) isə üçüncü yerləri tutublar.

Yunan-Roma güləşi üzrə yarışlara oktyabrın 30-da start veriləcək.