Bəhreyndə keçirilən Gimnaziadada bu gün güləş yarışlarına start verilib.

Prosport.Az xəbər verir ki, çıxışa ilk olaraq sərbəst güləşçilər başlayıb.

Üç Azərbaycan idmançısı finala yüksəlib. Hüseyn Hüseynov (55 kq), Həsən Həsənov (60 kq) və Fərhad Süleymanlı (92 kq) qızıl uğrunda mübarizə aparacaq.

Rəvan Qəmzəzadə (48 kq), Ramal Mirhüseynov (51 kq), Fərid Ağasızadə, Hüseyn İsmayılov (hər ikisi 65 kq), Rəşad Veysəlov, Nihad Abbasov (hər ikisi 71 kq), Nihad Süleymanlı (81 kq) və Hakim Tağıyev (110 kq) isə bürünc uğrunda güləşəcəklər.