Niderlandın “Ayaks” klubunun futbolçusu Vaut Veqorst UEFA Avropa Liqasının əsas mərhələsinin III turunda Bakıda “Qarabağ” üzərində qazandıqları qələbəni (3:0) şərh edib.

Prosport.Az xəbər verir ki, penaltidən "Qarabağ"a 2-ci qolu vuran "Mançester Yunayted" və "Beşiktaş"ın sabiq hücumçusu bunları deyib:

“Asan olmadı. Xüsusilə matçın ilk dəqiqələrində təzyiq altında idik. Amma rəqibin qırmızı vərəqə almasından sonra üstünlük bizə keçdi. Təbii ki, hələ də yaxşılaşdırmalı olduğumuz nüanslar var. “Qarabağ”ın oyunçuları daim hakimdən vərəqə tələb edirdi. Mən uşaqlara dedim ki, bunu müzakirə etməsinlər. Kenet Teylora ötürmə verməyimə gəlincə, mən sadəcə, uzaq küncə zərbə vururdum (gülür). Penalti? Mövqe tutmaq və onu qəbul etmək üçün uyğun anı tapmaq lazım idi. Xoşbəxtlikdən hər şey alındı”.