“Qarabağ”la oyundakı hesab yaxşıdır”.

Prosport.Az xəbər verir ki, bunu “Ayaks”ın futbolçusu Mika Qodts deyib.

19 yaşlı belçikalı hücumçu Avropa Liqasının “Qarabağ”la görüşündə assistə imza atıb. Mika açıqlamasında qarşılaşmadan məmnun ayrıldığını bildirib:

“Amma ilk yarıda çox imkan qaçırdıq. Xüsusilə də qırmızı vərəqədən sonra. Biz qarşılaşmanı 2-ci hissədəki oyunumuzla çox gözəl başa vurduq. Ümumilikdə yaxşı oyun alındı. Lakin görüşün axarına daha da yaxşı nəzarət edə bilərdik. 1:0 hesabı ilə öndə olduğumuz vaxt topla irəliləyib Vaut Veqorsta ötürmə verdim. Onun da ötürmə verdiyi, yoxsa zərbə vurduğunu dəqiq bilmədim. Amma Veqorst hücumçudur və yəqin ki, hücumu zərbə ilə tamamlayıb. O bu görüşü yaxşı keçirdi. 3-cü qolumuzu vuran Çuba Akpoma görə sevinirəm. Onunla əla münasibətlərimiz var. Onun hara hərəkət etdiyini bildiyim üçün ötürməm yaxşı alındı. Mən də qol vurmaq istəyərdim. Amma qələbədə pay sahibi olmaq da xoşdur. Hamı da məndən bunu gözləyir. Mən də bunun üçün əlimdən gələni edirəm”.

Qeyd edək ki, Bakıdakı görüşdə “Ayaks” 3:0 hesablı qələbə qazanıb.