AFFA İntizam Komitəsinin növbəti iclası keçirilib.

Prosport.Az xəbər verir ki, iclasda Misli Premyer Liqasının X turunun oyunlarında qeydə alınan qayda pozuntularına hüquqi qiymət verilib.

“Neftçi” – “Səbail” matçının 81-ci dəqiqəsində ev sahiblərinin futbolçusu Edvin Kuç birbaşa qırmızı vərəqə aldığı üçün 1 oyun cəzalanıb, klub isə 1000 manat cərimə edilib. Görüşün fasiləsində meydançaya kənar şəxs daxil olduğuna görə “ağ-qaralar” daha 800 manat cərimələnib.

“Zirə” – “Sabah” qarşılaşmasının 45+4-cü dəqiqəsində qonaq komandanın köməkçi məşqçisi Saşa Sablyak oyunun bərpasını ləngitdiyinə görə birbaşa qırmızı vərəqə alıb və 1-i şərti olmaqla 2 matç diskvalifikasiya edilib. Klub isə məşqçinin davranışına görə 1000 manat ziyana düşüb. Sınaq müddəti 3 ay təyin edilib.

“Sumqayıt”la oyunun 2-ci hissəsində meydançaya gec çıxan “Turan Tovuz” klubu isə 1500 manat cərimələnib.