UEFA Avropa Liqasında “Qarabağ”ın rəqibi olan “Ayaks” Bakıya bu gün gələcək.

Prosport.Az xəbər verir ki, avrokubok iştirakçıları səfər matçlarına adətən bir gün əvvəl yollansa da, Niderland klubu fərqli addım atıb.

Bunu komandanın baş məşqçisi Françesko Farioli istəyib. Mütəxəssis 2 səbəbi əsas gətirərək Azərbaycana görüşdən 2 gün əvvəl gəlməyi məqsədəuyğun sayıb. “Ayaks”ın baş məşqçisi ümumilikdə 7 saatlıq səfəri və Amsterdamla Bakı vaxtı arasındakı fərqi nəzərə alıb. Belə ki, hazırda 2 şəhər arasında 2 saatlıq fərq var və futbolçular da buna uyğunlaşmalıdır.

Qeyd edək ki, “Qarabağ” – “Ayaks” matçı oktyabrın 24-də keçiriləcək. Tofiq Bəhramov adına Respublika stadionundakı qarşılaşma saat 20:45-də başlayacaq.