"Qarabağ"ın və Monteneqro milli komandasının yarımmüdafiəçisi Marko Yankoviç UEFA Millətlər Liqasında Uelsə məğlubiyyəti (0:1) şərh edib. 

Prosport.Az xəbər verir ki, Ağdam klubunun aparıcı üzvü yığma komandasının uğursuz çıxışını bu cür dəyərləndirib:

"Bizi çətin oyunun gözlədiyini bilirdik. Uels bir çox cəhətdən üstün idi. 2-ci hissədə “ya hər şey, ya da heç nə” prinsipi ilə oynamağa başladıq. Yaxşı görünürdük, lakin ümumilikdə Uels daha yaxşı komandadır və layiqli qələbə qazandı. Bu komandalar arasında fərq var. İstənilən rəqibə qarşı oynayarkən nikbin və pozitiv düşünmək xoşdur. Ancaq ümumilikdə götürsək, Uelsin futbolçuları ciddi klublarda oynayır və hazırda onlar bizdən daha yaxşıdır".