"Sumqayıt"ın baş məşqçi vəzifəsini icra edən Vaqif Cavadov klub prezidenti Riad Rəfiyev tərəfindən kollektivə təqdim olunub.

Prosport.Az xəbər verir ki, 35 yaşlı mütəxəssis komandanı ilk məşqinə çıxarıb.

Məşqi izləyənlər arasında klubun Müşahidə Şurasının sədri, "Azərikimya" İstehsalat Birliyinin baş direktoru Elnur Məmmədli də olub. Vaqif Cavadov və futbolçularla məşqdən öncə söhbət edən Elnur Məmmədli onlara güvəndiyini bildirib və komandaya qarşıdakı oyunlarda uğurlar arzulayıb.

Qeyd edək ki, Vaqif Cavadov yanvaradək bu vəzifəni icra edəcək. Qışda komandaya ukraynalı Yuri Maksimovun təyin olunacağı gözlənilir.