Azərbaycan millisinin futbolçusu Emin Mahmudov UEFA Millətlər Liqasının III turunda səfərdə Estoniyaya 1:3 hesablı məğlubiyyətdən sonra "Misli"nin dəstəyi ilə Tallinə ezam olunmuş jurnalistlərə açıqlama verib.

Prosport.Az xəbər verir ki, təcrübəli futbolçu yarımmüdafiəçi bəsit qollar buraxdıqlarını bildirib: "İlk hissədə qol şanslarımız olsa da, fərqlənə bilmədik və bu, bizə problem yaratdı. Əvəzində çox sadə qollar buraxdıq. Hesabı bərbərləşdirdikdən dərhal sonra qapımızda qol görmək əlavə çətinlik yaratdı. Yaxşı nəticə əldə edə bilərdik, amma alınmadı. Əsas problemimiz qol imkanlarından istifadə edə bilməməyimizdir. Bundan əvvəlki oyunlarda da eyni problemi yaşamışdıq. Slovakiya ilə oyunda başqa yolumuz yoxdur, çıxıb qələbə üçün oynamalıyıq".

Qeyd edək ki, bu gün Tofiq Bəhramov adına Respublika Stadionunda keçiriləcək Azərbaycan–Slovakiya görüşü saat 20:00-da başlayacaq.