Slovakiya millisi UEFA Millətlər Liqasının C Divizionunda Azərbaycan yığmasına qarşı oyuna ciddi itki ilə çıxacaq.

Prosport.Az xəbər verir ki, komandanın aparıcı müdafiəçisi Denis Vavro Bakıdakı görüşü buraxacaq. Buna 28 yaşlı oyunçunun ötən gün İsveçlə matçda (2:2) sarı vərəqə alaraq, cəzalı duruma düşməsi səbəb olub.

Müqavilə ilə Danimarkanın "Kopenhagen" klubuna məxsus olan futbolçu hazırda icarə əsasında Almaniya "Volfsburq"unda çıxış edir.

Qeyd edək ki, oktyabrın 14-də Tofiq Bəhramov adına Respublika Stadionunda keçiriləcək Azərbaycan - Slovakiya oyunu saat 20:00-da başlayacaq.