UEFA Millətlər Liqasının Estoniya – Azərbaycan (3:1) oyunundan sonra millimizin baş məşqçisi Fernandu Santuşun mətbuat konfransı baş tutub.

Prosport.Az-ın Tallinə ezam olunmuş əməkdaşı həmin konfransda səslənən fikirləri təqdim edir:

– İlk 35 dəqiqə çox kompakt oynadıq. Ancaq ilk qoldan sonra oyunumuzu itirdik. Düzdür, qol vurduq. Ancaq 2-ci qol Bu bizim strategiyamızı pozdu. İkinci hissədə bunu dəyişmək çətin idi. Əks-hücumdan oynayırdılar. Şanslarımızdan istifadə edə bilmədik. Əgər topu qapıdan keçirə bilmiriksə, rəqib bundan faydalanır.

– Məğlubiyyətdə seçilən taktiki sxemin hansı dərəcədə rolunun olduğunu düşünürsünüz?
– Mən 3-4-3 oynadırdım. İlk 35 dəqiqədə rəqib komanda oynamırdı. Bizim 4 şansımız vardı, istifadə edə bilmədik. 3 qol buraxsaq da, bunu taktika ilə əlaqələndirməzdim. Normal vəziyyətdə bu matçda ilk hissə 2:0 hesabı ilə başa çatmalı idi.

– Tapşırıqları yerinə yetirmək üçün oyunçularınızın səviyyəsinin normal olmadığını düşünürsünüzmü?
– Bütün komanda İsveçlə oyunda olduğu kimi, şanslar əldə etdi. Bizim problemimiz müdafiədədir. 3 oyuna 8 qol buraxmışıq. Qalib gəlmək üçün şanslardan istifadə etməliyik. Çalışmamızı davam etdirməliyik. Vaxt lazımdır ki, bunu düzəldək. Ancaq Slovakiya ilə oyuna kimi vaxtımız azdır.

– Nəyin hesabına bu taktikanın komandanın oyununu düzəldəcəyinizə inanırsınız?
– Taktikanı dəyişmək barədə düşünmürəm. Hücum futboluna üstünlük verəcəyik.

– Bu gün Elvin Cəfərquliyev möhtəşəm oynadı. Onun gələcəkdə hansısa Avropa klubuna keçməsinə töhfə verə bilərmi?
– Onun hücumda çox yaxşı talantı var. Sürətli oyunçudur. Ancaq müdafiədə üzərində işləməlidir. 2 gün əvvəl də onunla danışıb meydanda nələr etməli olduğunu demişdim. 

– Abbas Hüseynov hansı cəhətinə görə kapitan seçildi?
– Niyə də yox?! O, azərbaycanca yaxşı danışır. Bədəvi Hüseynov isə mənim ingiliscə bildiyim kimi azərbaycanca bilir. Ona görə də kapitanlığı Abbasa həvalə etdim.

Səbuhi Musa
Tallin