Azərbaycanın "Sabah" klubunun sabiq baş məşqçisi, hazırda "Krasnodar" komandasına rəhbərlik edən Murad Musayev Rusiya Premyer Liqasında sentyabr ayının ən yaxşısı seçilib.

Prosport.Az xəbər verir ki, 10 ekspertdən 9-u səsvermə zamanı məhz M.Musayevə üstünlük verib.

"Krasnodar" sentyabrda meydana çıxdığı 4 oyunda 12 xal toplayıb.

Qeyd edək ki, 40 yaşlı rusiyalı mütəxəssis 2021-2024-cü illərdə "Sabah"ı çalışdırıb.