“Krasnodar”ın baş məşqçisi Murad Musayev “Qababağ”lı həmkarı Qurban Qurbanovla əlaqə saxlayıb.

Prosport.Az sportinfo.az-a istinadən xəbər verir ki, rusiyalı çalışdırıcı onunla Kadi Borgeslə bağlı söhbət edib.

Bilindiyi kimi, braziliyalı vinger bu ilin iyulunda "Krasnodar"dan ayrılaraq, “Ferentsvaroş"a keçib. “Sambaçı” Macarıstan klubu ilə 3 illik müqavilə imzalayıb.

28 yaşlı oyunçu 2021-2023-cü illərdə "Qarabağ"da çıxış edib.

Ağdam təmsilçisinin 5 milyon avro qarşılığında satdığı legioner 2023/24 mövsümündə Rusiya klubunun heyətində bütün turnirlərdə 33 oyun keçirib, 4 qol vurub, 3 qolun ötürməsini edib.

Murad Musayev Qurban Qurbanovla danışığında ona Kadinin "Qarabağ"a dönüşünin gerçəkləşməməsinə görə təəssüflənməməyi məsləhət görüb.

Ötən mövsümün ilk yarısına kimi "Sabah"ı çalışdırmış mütəxəssis Azərbaycanda işlədiyi müddətdə yaxından tanıdığı və münasibət qurduğu həmkarına cənubi amerikalı legioner barədə mənfi fikirlər söyləyib.

O, Kadini intizamsız və rejimə məhəl qoymayan biri kimi xarakterizə edib. Braziliyalının "Krasnodar"da olduğu müddətdə dəfələrlə problem çıxardığını söyləyən Musayev Qurbanova maraqlı etiraf edib.

Rusiyalı ona "Mən heyrət içindəyəm ki, siz Kadi ilə necə çalışmısınız. Çox qeyri-peşəkar futbolçudur. Onunla işlədiyim aylarda daim əziyyət çəkdim" söyləyib.