23 yaşlı futbolçulardan ibarət Azərbaycan minifutbol yığmasının heyətində hal-hazırda Xorvatiyada keçirilən Dünya çempionatında iştirak edən Yusif Rufullazadə bundan sonra "Xankəndi"nin şərəfini qoruyacaq.

Prosport.Az xəbər verir ki, "Sumqayıt" futbol məktəbinin yetirməsi olan 21 yaşlı müdafiəçi "gənclik şəhəri" təmsilçisinin müxtəlif yaş qruplarında, o cümlədən "Tufan", "Qaradağ Lökbatan", MOİK, "Dinamo" (Bakı) və "Şəmkir" komandalarının heyətində çıxış edib.

Gənc futbolçu vaxtilə Azərbaycanın U-17 yığmasının heyətinə də cəlb olunub, "Qaradağ Lökbatan" komandasının heyətində isə Birinci Divizionun qalibi olub.