Çimərlik futbolu millimiz İspaniyanın Kadis şəhərində təşkil olunan dünya çempionatının seçmə mərhələsində ilk məğlubiyyətini alıb.

Prosport.Az xəbər verir ki, Sahib Məmmədovun baş məşqçisi olduğu komanda A qrupunun III turunda üçqat dünya çempionatının finalçısı, Avropa çempionları olan meydan sahiblərinə darmadağın olub – 0:7.

Bununla da İspaniya 9 xalla qrupu lider, Azərbaycan 6 xalla 2-ci bitirib. Gürcüstana ekstra-taymda 3:2 qalib gələn İngiltərə 2 xalla 3-cü olub. Xalsız qalan Gürcüstan sonuncu yeri tutub.

Millimizin 1/8 finaldakı rəqibi sabah digər qrup matçları başa çatdıqdan sonra müəyyənləşəcək.

Qeyd edək ki, yığmamız daha əvvəl İngiltərəni 4:0, Gürcüstanı isə 7:2 hesabı ilə məğlub etmişdi.

10:44

Azərbaycanın çimərlik futbolu millisi İspaniyanın Kadis şəhərində təşkil olunan dünya çempionatının seçmə mərhələsində bu gün qrupda son matçını keçirəcək.

Prosport.Az xəbər verir kİ, Sahib Məmmədovun baş məşqçisi olduğu komanda A qrupunun III turunda İspaniya yığması ilə qarşılaşacaq.

Görüş Bakı vaxtı ilə saat 20:00-da başlayacaq. Hər iki komanda artıq 1/8 finala vəsiqə qazandığından, matç formal xarakter daşıyacaq və sadəcə qrup liderliyini müəyyənləşdirəcək.

Qeyd edək ki, Azərbaycan millisi buna qədər keçirdiyi 2 görüşdə İngiltərəni 4:0, Gürcüstanı isə 7:2 hesabı ilə məğlub edib. Həm İspaniya, həm də Azərbaycan 6 xalla 1/8 finala vəsiqə qazanıb.