"Taktiki cəhətdən fantastik oyun keçirdik".

Prosport.Az xəbər verir ki, bunu “Malmö”nün futbolçusu Erik Botheym deyib.

Hücumçu Avropa Liqasının Liqa mərhələsində “Qarabağ”ı Bakıda 2:1 hesabı ilə məğlub etdikləri matçı şərh edib. Dubl edən Botheym qələbənin sirrini açıqlayıb: “Oyunda daha sıx oynayıb, rəqibə boş zonalar verməməyə çalışırdıq. Bu, bizdə alındı. Fantastik komanda qələbəsi qazandıq. Son matçlarda formamı bərpa etdim, ona görə də qol vurmaq xoş idi. Amma komanda işimizdən danışmağa üstünlük verirəm”.

Qeyd edək ki, “Qarabağ”ın 1:2 hesabı ilə məğlub olduğu matçda ağdamlıların yeganə qolunu 15-ci dəqiqədə Olaviu Juninyu vurub.