16 yaşadək futbolçulardan ibarət Azərbaycan millisi Türkiyənin Ərzurum şəhərində təşkil olunan “U-16 Türkdilli Ölkələr Turniri”ndə ilk oyununu keçirib.

Prosport.Az xəbər verir ki, Aqil Nəbiyevin baş məşqçisi olduğu komandamız Ərzurum Yüksək İrtifa Təlim-Məşq Mərkəzində Türkmənistanın U-17 komandası ilə qarşılaşıb.

Görüş Türkmənistan komandasının 3:0 hesablı qələbəsi ilə yekunlaşıb. U-16 oktyabrın 4-də, Bakı vaxtı ilə saat 16:00-da A qrupun lideri Türkiyə yığması ilə üz-üzə gələcək.

B qrupunda isə Özbəkistan Gürcüstanı 4:1 məğlub edib.

Qeyd edək ki, Türkmənistan və xüsusi dəvət olunan Gürcüstan yarışa U-17 komandaları ilə qatılıb.