Azərbaycanlı məşqçi Rüfət Quliyev Albaniya Super Liqasında işləyəcək. 

Prosport.Az xəbər verir ki, 51 yaşlı mütəxəssis “Bilis” klubunun baş məşqçisi Nevil Dedenin köməkçisi təyin olunub. 

Bundan başqa, Rüfət Quliyev Albaniya klubunun əvəzedici komandasının baş məşqçisi vəzifəsini yerinə yetirəcək. Həmçinin, o, Albaniyanı UEFA Gənclər Liqasında təmsil edəcək "Bilis"in U-19 komandasına da rəhbərlik edəcək.

Qeyd edək ki, "Bilis"in əsas komandasında Amil Yunanov da çıxış edir.