Milli Gimnastika Arenasında boks üzrə IBA (Beynəlxalq Boks Assosiasiyası) Çempionlar Gecəsi azərbaycanlı idmançılar üçün uğurlu keçib.

Prosport.Az xəbər verir ki, rinqə ilk olaraq Sərxan Əliyev (71 kq) çıxıb. O, Monqolustan təmsilçisi Monx-Erdene Urançimeqi məğlub edib.

Gecənin 2-ci döyüşündə Nicat Hüseynov (51 kq) Con Zuluetaya (Filippin) qalib gəlib.

Olimpiya mükafatçımız, üçqat dünya və Avropa çempionumuz Məhəmmədrəsul Məcidov (+92 kq) isə 3 il sonra rinqə qayıdıb. O, 8 raundun yekununda Nursultan Amanjolovdan (Qazaxıstan) güclü olub.

Azərbaycanın daha bir əlcək ustadı Məhəmməd Abdullayev (+92 kq) Kristian Salsedo (Kolumbiya) ilə görüşdə rinqi qalib tərk edib.

Qeyd edək ki, yarışda dünyanın ən güclü boksçularının iştirakı ilə 8 döyüş baş tutub.