"Çox şadam ki, Anqe Postekoğlu kimi baş məşqçimiz var. Mən onun pərəstişkarıyam".

Prosport.Az xəbər verir ki, bunu “Tottenhem”in futbolçusu Arçi Qrey deyib.

2-ci dəfə London klubunun start heyətinə düşən 18 yaşlı müdafiəçi Avropa Liqasının Liqa mərhələsinin I turunun “Qarabağ”la oyunu barədə fikirlərini bildirib: “Avrokuboklarda debütüm mən və ailəm üçün fəxrdir. “Qarabağ”la oyun çox ağır oldu. Xüsusilə də ilk dəqiqələrdən sonra bunu hiss etdik. Hamının səhvləri olur. Qırmızı vərəqə alan Radu Draquşin bunu istəmədən etdi. Biz hamımız onun əvəzinə də mübarizə apardıq. Təmkinimizi qorumağa çalışdıq. Futbolda hər şey ola bilər. Bunun öhdəsindən gəlmək və yola davam etmək lazımdır. “Qarabağ”la oyunda meydanda bir-birimizə kömək etdik ki, bu, ən önəmlisi idi. Ümumilikdə yaxşı oynasaq da, daha çox çalışmalı, bəzi detalları yaxşılaşdırmalıyıq. Amma istənilən halda nəticə əldə etmək yaxşı hisslər oyadır”.

Qeyd edək ki, "Qarabağ" “Tottenhem”ə 0:3 hesabı ilə uduzub.