"Tottenhem"in UEFA Avropa Liqasının əsas mərhələsinin ilk turunda “Qarabağ”la keçirəcəyi ev oyununun təxmini “11-liy”i müəyyənləşib.

Prosport.Az xəbər verir ki, baş məşqçi Ange Postekoqlu öncədən də gözlənildiyi kimi, ehtiyat qüvvəyə üstünlük verəcək.

Lakin yunanıstanlı mütəxəssis start heyətini tamamilə gənclərdən qurmayacaq. Çalışdırıcı hər mövqedə bir təcrübəçli futbolçu oynatmağı planlaşdırır. Bu, Postekoqlunun turnirə uğurlu start götürmək və risk etməmək istəyindən qaynaqlanır.

“Tottenhem” Azərbaycan çempionu önünə standart 4-3-3 sxemində çıxacaq. Təxmini “11-lik” isə belədir: Qulyelmo Visario; Pedro Porro, Miki Van de Ven, Radu Draquşin, Destini Udoyi; Ceyms Maddison, Rodriqo Bentankur, Yves Bissuma; Xın-Min Son, Dominik Solanke, Brennan Conson.

Qeyd edək ki, sentyabrın 26-da Londonda keçiriləcək “Tottenhem” – “Qarabağ” oyunu Bakı vaxtı ilə saat 23:00-da başlayacaq.