Yay fasiləsində “Neftçi”dən ayrılan Lukas Melano hələ də Azərbaycanı tərk etməyib.

Prosport.Az Argentina mətbuatına istinadən xəbər verir ki, 31 yaşlı hücumçu özünə yeni klub axtarışındadır.

Melano fürsətdən istifadə edərək 13-15 sentyabrda Bakıda təşkil edilən "Formula-1" üzrə Azərbaycan Qran-prisini də izləyib. O, “Vilyams” komandasının pilotu olan həmyerlisi Franko Kolopintonu tribunadan dəstəkləyib. Franko Bakıda finişə 8-ci çatıb.

Qeyd edək ki, argentinalı Lukas Melano ötən mövsümdə “Neftçi”nin formasını geyinib. O, Premyer Liqada 11 oyunda iştirak edib.