UEFA "Qarabağ"ın Çempionlar Liqasının pley-off mərhələsində rəqibi olmuş Xorvatiyanın "Dinamo" klubunu 50 min avro cərimələyib.

Prosport.Az xəbər verir ki, buna Zaqreb təmsilçisinin evdə Azərbaycan komandasına qarşı keçirdiyi pley-off mərhələsinin ilk oyununda yaşananlar səbəb olub.

Meydan sahibləri "ictimai keçidlərin bağlanması"na görə 26 min avro ödəməli olacaq. "Dinamo" azarkeşlərinin pirotexniki vasitələrdən istifadəsinə görə isə 24 min avro ziyana düşüb.

Qeyd edək ki, qarşılaşma Xorvatiya çempionunun qələbəsi ilə bitib – 3:0. Bakıda da qalib gələn zaqreblilər (2:0) Çempionlar Liqasının Liqa mərhələsinə vəsiqə qazanıb.