UEFA-nın "Qarabağ"ı niyə cəzalandırdığı məlum olub.

Prosport.Az-ın əldə etdiyi xəbərə görə, UEFA Çempionlar Liqasının pley-off mərhələsinin Zaqreb "Dinamo"su ilə Bakıda keçirilmiş cavab matçında (0:2) "Qarabağ" azarkeşləri məşhur "UEFA-Mafia" şüarını səsləndirib.

Bu səbəbdən də UEFA "Qarabağ"ı "idman tədbirinə uyğun olmayan mesajın ötürülməsi"nə görə 22 500 avro cərimələyib.

Bundan başqa, "Qarabağ" UEFA Çempionlar Liqasının III təsnifat mərhələsinin Bolqarıstanın Razqrad şəhərində keçirilmiş cavab oyununa görə də cərimə ödəməli olacaq. Ağdam təmsilçisi “Ludoqorets”i 7:2 darmadağın etdiyi matçda "komandanın düzgün olmayan davranışı"na görə 6 min avro ödəyəcək.