"Bildiyiniz kimi, mən artıq “Neftçi”nin kapitanı deyiləm".

Prosport.Az-ın xəbərinə görə, bunu "Neftçi"nin futbolçusu Emin Mahmudov deyib.

O, VII turun "Qarabağ"la dünən keçirilmiş matçında kapitan qismində olmaması barədə fikirlərini bildirib: "6 il ərzində “Neftçi”nin kapitanı olmuşam və bununla qürur duyuram. Bu müddətdə çətin anlar da oldu, kədərli də, amma sevincli günlər də az deyildi. Düzdür, oyunumda eniş-yoxuşlar oldu, amma həmişə komandaya kömək etmək üçün bacardığım qədər çalışdım. Bəzən alınmadı, amma mən əlimdən gələni etdim. Sizdən hər zaman böyük dəstək gördüm. Buna görə də hər birinizə təşəkkür edirəm".

Qeyd edək ki, dünən komandanı oyuna "Qarabağ"ın sabiq hücumçusu Ramil Şeydayev çıxarıb. Emin Mahmudov isə sonadək ehtiyatda qalıb.