İngiltərənin "Totnem" (Tottenham) klubunun 2 futbolçusu "Qarabağ"a qarşı keçirəcəkləri Avropa Liqasının Liqa mərhələsinin I turunun oyunundan əvvəl zədələnib.

Prosport.Az xəbər verir ki, bunlar yarımmüdafiəçi Vilson Odeber (Wilson Odobert) və hücumçu Timo Vernadır (Timo Werner).

Hər 2 oyunçu ötən gün "Koventri Siti"ni 2:1 hesabı ilə məğlub etdikləri Liqa Kuboku matçında sıradan çıxıb.

Baş məşqçi Anqelos Postekoğlu qarşılaşmadan sonra mətbuat konfransında açıqlama verib. O, Odeberin durumunun ciddi olduğunu söyləyib, Vernanın isə vəziyyətinin hələlik bəlli olmadığını söyləyib.

Qeyd edək ki, sentyabrın 26-da baş tutacaq "Totnem" – "Qarabağ" matçı Bakı vaxtı ilə saat 23:00-da başlayacaq.