"Sabah" Azərbaycan Premyer Liqasının VI turunda doğma meydanda "Turan Tovuz"la 2:2 hesablı heç-heçə edib.

Prosport.Az xəbər verir ki, Masazır təmsilçisinin baş məşqçisi Krunoslav Renduliç matçdan sonra keçirilən mətbuat konfransında jurnalistlərin suallarını cavablandırıb:

"Turan Tovuz" həqiqətən çox yaxşı komandadır. Bu gün öz səviyyəmizdən aşağı çıxış etdik. İlk yarıda daha səbrli və aqressiv oynamalıydıq. Azarkeşlər bu gün yaxşı oyun izlədilər. Hər iki komanda qalib gəlmək istəyirdi. Amma oyundan sonra 1 xala da məmnun olmalıyıq.

- Hesabda önə keçəndən sonra komandanız müdafiəyə çəkildi. Bunun səbəbi nə idi?

- Sizinlə razıyam. Amma mən belə tapşırıq verməmişdim. Daha çox topa sahib olmalarını istəyirdim. Bəzi məqamlarda daha yaxşı oynamalıydıq.

- Qəbul edirsiniz ki, müdafiə xəttində problem var?

- Haqlısınız. Amma qola qədər ardıcıl 5 səhvimiz var idi. Təkcə müdafiəçini günahlandıra bilmərik. Yaxşı reaksiya vermədik.