"Qarabağ"ın Avropa Liqasının əsas mərhələsindəki rəqibi olan “Tottenhem”in hücumçusu Rişarlison problemlə üzləşib.

Prosport.Az xəbər verir ki, "sambaçı"nı keçmiş şəxsi köməkçisi məhkəmə ilə hədələyir.

İngiltərə mətbuatının yazdığına görə, braziliyalı futbolçu xəbərdarlıq etmədən həmin şəxsi işdən çıxarıb. Bu isə onun psixoloji durumuna mənfi təsir edib. Hətta həyat yoldaşı boşanmaq üçün məhkəməyə üz tutub.

Bu da son deyil. Rişarlisonun köməkçisini rəsmi qeydiyyatdan keçirməkdən imtina etdiyi, maaşını vaxtında köçürmədiyi, həmçinin məzuniyyət vermədiyi vurğulanır. Bundan əlavə, "Tottenhem"in hücumçusunun onu təhqir etdiyi də deyilir.

Qeyd edək ki, “Qarabağ” “Tottenhem”lə sentyabrın 26-da Londonda qarşılaşacaq.