I Liqada çıxış edən "Mingəçevir" klubu 5 oyunçu ilə yolları ayırıb.

Prosport.Az xəbər verir ki, bunlar Elvin Əlizadə, Toğrul Məhəmmədbəyli, Elçin Abdullayev, Nihat Xəlili və Nicat Məmmədlidir.

Klub bu oyunçulardan müdafiəçi Elvin Əlizadə ilə avqustun 31-də, qapıçı Toğrul Məhəmmədbəyli ilə isə 3 gün əvvəl müqavilə bağladığını açıqlamışdı.

Nur şəhəri təmsilçisi daha əvvəl Eldar Tərlanov, Əsgər Hüseynov və Hüseyn Əliyevlə yollarını ayırmışdı.

Həmçinin, "Mingəçevir" Elvin Əliyev, Elvin Əsgərov, Fuad Əhmədov, Xəyal Muradov, Elmin Bayramov, Aqil Nəsibov, Elnur Mirzəyev, Taleh Fərmanov, Tural Məmmədzadə, Mövlan Kərimov, Nizami Səmədov, Muxtar Nəzərli, İlkin Əliyev, Afiq Musayev və Xəyal Xudaverdiyevlə 1 illik müqavilə bağlayıb.

Qeyd edək ki, "Mingəçevir" ilk turda Lökbatan Olimpiya İdman Kompleksində MOİK-in qonağı olacaq. Sentyabrın 13-də keçiriləcək matç saat 17:00-da başlayacaq.