Azərbaycanda daha bir klub loqosunu dəyişib.

Prosport.Az-ın xəbərinə görə, bu, "Neftçi" İdman Klubudur (İK).

SOCAR-a tabe olan "Neftçi" İK-nın loqosu "Neftçi" Peşəkar Futbol Klubunku (PFK) ilə, demək olar ki, eynilik təşkil edir. Ancaq SOCAR-dan maliyyələşən bu 2 klubun loqosunda cüzi fərq də var. 

Belə ki, futbol klubunun loqosunun üzərində çempionluq sayına görə 1 ulduz varsa, idman klubunda həmin hissədə "Neftçi" İK sözləri yazılıb. Futbol klubunun yaranma ili olan 1937-ni isə idman klubunda olimpiya halqaları əvəzləyib.

Qeyd edək ki, hər iki klubun rəhbəri SOCAR-ın aparat rəhbəri Hafiz Zeynalovdur. O, "Neftçi" PFK-da Müşahidə Şurasının, "Neftçi" İK-da İdarə Heyətinin sədridir.