"Mingəçevir" futbol klubunun müvəqqəti ev oyunlarını keçirəcəyi ehtiyat meydança hazır duruma gətirilib.

Prosport.Az-ın xəbərinə görə, klub I Liqanın XVI turunun "Difai" (Ağsu) ilə keçiriləcək görüşünü məhz Yaşar Məmmədzadə adına şəhər stadionunun süni örtüklü ehtiyat meydançasında keçirəcək.

II Liqaya düşməmək üçün prinsipial sayılan görüş əvvəlcə Zaqatala Olimpiya İdman Kompleksində baş tutmalı idi. Lakin son xəbərə görə oyun fevralın 27-də saat 14:00-da Mingəçevirdə baş tutacaq. Bu, klubun ASTA ilə tərəfdaşlıq müqaviləsi imzalamasından sonra doğma şəhərdə keçirəcəyi ilk ev oyunu kimi tarixə düşəcək.

Qeyd edək ki, "Mingəçevir" bunadək XIII və XIV turun ev oyunlarını Zaqatala Olimpiya İdman Kompleksinin stadionunda keçirib.