AFFA İntizam Komitəsi Azərbaycan Premyer Liqasının XXI turunun oyunları ilə bağlı qərarlarını açıqlayıb.

Prosport.Az xəbər verir ki, turun 2 qarşılaşmasında baş verən qayda pozuntularına görə klublar cərimələnib.

“İmişli” - “Şamaxı” matçında qonaq komandanın 4 futbolçusunun sarı vərəqə alması səbəbindən klub 700 manat cərimə olunub.

“Sabah” - “Kəpəz” oyununun son dəqiqələrində (90+8-ci dəqiqə) isə ciddi qayda pozuntusuna yol verən Gəncə təmsilçisinin futbolçusu Şakir Seyidov birbaşa qırmızı vərəqə ilə meydandan kənarlaşdırılıb. Bu səbəbdən o, 2 oyunluq diskvalifikasiya edilib, “Kəpəz” klubu isə 1000 manat məbləğində cərimə olunub.