"Qarabağ"ın zədələnən futbolçusu Kamilo Duran hazırda həkimlərin müşahidəsi altındadır.

Prosport.Az xəbər verir ki, bu barədə klub məlumat yayıb.

Bildirilib ki, UEFA Çempionlar Liqasının pley-off mərhələsində "Nyukasl" ilə cavab oyununda zədələnən kolumbiyalı vingerin son durumu barədə həkimlər yekun rəy verdikdən sonra ətraflı məlumat veriləcək.

Qeyd edək ki, Kamilo Duran "Qarabağ"ın İngiltərədə 2:3 hesabı ilə məğlub olduğu matçın 2-ci hissəsində sıradan çıxıb.