Azərbaycan parataekvondoçusu Sabir Zeynalov (58 kq) Fransada keçirilən Paris-2024 Yay Paralimpiya Oyunlarında bürünc medal qazanıb.

Prosport.Az xəbər verir ki, K44 kateqoriyasında yer alan idmançımız əvvəlcə yarımfinalda Ali Can Özcana (Türkiyə) 18:23 uduzub.

O daha sonra 3-cü yer uğrunda görüşdə tailandlı Tanva Kaenkamla üz-üzə gəlib. Rəqibinə 12:4 hesabı ilə qalib gələn idmançımız bürünc mükafata sahib çıxıb.

Qeyd edək ki, bununla da Azərbaycan Paris 2024 Yay Paralimpiya Oyunlarında ilk medalını qazanıb. Bu həm də 2-ci dəfə təşkil olunan parataekvondoda ilk medalımız kimi tarixə düşüb.

16:22

Azərbaycan parataekvondoçusu Sabir Zeynalov (58 kq) Fransada keçirilən Paris-2024 Yay Paralimpiya Oyunlarında mübarizəyə başlayıb.

Prosport.Az xəbər verir ki, K44 kateqoriyasında yer alan idmançı 1/4 final mərhələsində Yaponiya təmsilçisi Mitsuya Tanaka ilə üz-üzə gəlib.

Rəqibinə 6:5 hesabı ilə qalib gələn Zeynalov yarımfinala yüksəlib.

Qeyd edək ki, Paralimpiada sentyabrın 8-də başa çatacaq.