3x3 basketbol üzrə kişilərdən ibarət millimiz Avstriyanın paytaxtı Vyanada keçirilən Avropa Kubokunda qrupda qalıb.

Prosport.Az xəbər verir ki, yığmamız C qrupundakı 2-ci matçında meydan sahibləri ilə üz-üzə gəlib. Qarşılaşma seçməmizin 18:20 hesablı məğlubiyyəti ilə başa çatıb.

Qeyd edək ki, günün ilk matçında Niderlanda da uduzan (9:21) millimiz yarışla vidalaşıb.

Xatırladaq ki, daha əvvəl qadın millimiz eyni aqibətlə üzləşmişdi.

16:11

Azərbaycanın 3x3 basketbol üzrə kişilərdən ibarət millisi Avstriyanın paytaxtı Vyanada keçirilən Avropa Kubokunda mübarizəyə başlayıb.

Prosport.Az xəbər verir ki, yığma C qrupundakı ilk matçında Niderlandla üz-üzə gəlib. Komandamız "narıncılar"a 9:21 hesabı ilə məğlub olub.

Millinin növbəti sınağı bu gün meydan sahiblərinə qarşı olacaq. Görüş saat 19:15-də start götürəcək.

Qeyd edək ki, qruplarda ilk 2 yeri tutanlar növbəti mərhələyə yüksələcək.