Azərbaycanın 3x3 basketbol üzrə kişi və qadın milliləri Avropa Kubokunda mübarizə aparacaq.

Prosport.Az xəbər verir ki, 3x3 basketbol üzrə kişilər və qadınlar arasında Avropa Kubokunun oyunları baş tutacaq.

Avropa Kubokunda mübarizəyə ilk olaraq qadın millimiz start verəcək. İspaniya və Avstriya yığmaları ilə qarşılaşacaq qızlarımızın ilk qrup oyunu 22 avqust Bakı vaxtı ilə saat 15:40-da İspaniya seçməsinə qarşı olacaq. İkinci qrup oyununda isə millimiz saat 19:15-də Avstriya yığması ilə üz-üzə gələcək.

Kişi millimizin isə qrupdakı rəqibləri yerli Avstriya və Niderland seçmələridir. İlk qrup oyunu 23 avqust Bakı vaxtı ilə saat 15:40-da Niderland, ikinci görüş isə saat 19:15-də Avstriya yığmalarına qarşı olacaq.

Qeyd edək ki, avqustun 22-25-də Avstriyanın paytaxtı Vyana şəhərində keçiriləcək. Qruplarda ilk iki sıranı tutmuş komandalar 1/4 finala vəsiqə qazanacaqlar.