"Paris-2024" Yay Olimpiya Oyunlarında bu gün yunan-Roma güləşi üzrə mübarizəyə start veriləcək.

Prpsport.Az xəbər verir ki, güləş yarışlarının ilk günündə Azərbaycanın 2 idmançısı qüvvəsini sınayacaq.

Murad Məmmədov (60 kq) və Sabah Şəriati (130 kq) mübarizəyə 1/8 finaldan qoşulacaq. Onlar müvafiq olaraq, ekvadorlu Rayber Rodriqes və estoniyalı Heyki Nabi ilə qarşılaşacaq.

Azərbaycan təmsilçilərinin görüşləri Bakı vaxtı ilə saat 17:00-da başlayacaq.

Qeyd edək ki, hazırda Azərbaycanın aktivində 3 medal var. Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olub, boksçu Loren Alfonso (92 kq) isə finala vəsiqə qazanmaqla ən azı gümüş mükafatı təmin edib.