U-18 qız və oğlan basketbol millilərimizin Avropa çempionatının (EuroBasket) C divizionunun finaldakı rəqibləri müəyyənləşib.

Prosport.Az-ın xəbərinə görə, qız millimiz bu gün Bakı vaxtı ilə saat 21:30-da meydan sahibi Kosovo ilə qarşılaşacaq.

Oğlan yığmamızın finaldakı rəqibi isə Lüksemburq olacaq. Bu görüş Bakı vaxtı ilə saat 21:00-da başlayacaq.

27 iyul
22:52

Azərbaycanın 18 yaşadək qızlardan və oğlanlardan ibarət basketbol milliləri (U-18) Avropa çempionatının (EuroBasket) C divizionunda finala çıxıb.

Prosport.Az xəbər verir ki, Evren Alkayanın rəhbərlik etdiyi qız komandamız Kosovonun paytaxtı Priştinada təşkil olunan yarışın yarımfinalında Kipr seçməsi ilə üz-üzə gəlib və 66:49 hesabı ilə qalib gəlib.

Anar Sarıyevin baş məşqçisi olduğu oğlan komandamız isə Albaniyanın Elbasan şəhərində keçirilən turnirin yarımfinal mərhələsində meydan sahibləri ilə üz-üzə gəlib və rəqibini 62:41 hesabı ilə üstələyib.