Qubada keçirilən 3x3 basketbolu üzrə Qadın Seriyasının mərhələ yarışında İran komandasının iştirak etməməsinin səbəbi bəlli olub.

Prosport.Az-ın Qubaya ezam olunmuş əməkdaşına Azərbaycan Basketbol Federasiyasının icraçı vitse-prezidenti Fərrux Mahmudovun verdiyi məlumata görə, buna səbəb onların viza ala bilməməsidir.

Belə ki, İran komandası Azərbaycana viza almaq üçün çox gec müraciət etdiklərindən, Azərbaycana gəlmələri mümkün olmayıb.

Bu səbəbdən İran komandasına "Düsseldorf Zoos" (Almaniya) komandası, Filippin və Çexiya milliləri ilə matçlarda texniki məğlubiyyət verilib.

Səbuhi Musa