Skip to content
  • Haqqımızda
  • Əlaqə
prosport.az
Banner
  • Futbol
    • Futzal
    • Çimərlik futbolu
    • Minifutbol
  • Güləş
  • Cüdo
  • Top oyunları
    • Voleybol
    • Basketbol
    • Həndbol
  • Döyüş növləri
    • Boks
    • Taekvondo
    • Karate
    • Kikboksinq
    • MMA
  • Digər idman növləri
    • Formula-1
    • Stolüstü oyunlar
  • Multiidman yarışları
    • Olimpiya Oyunları
    • Paralimpiya Oyunları
    • Avropa Oyunları
    • Universitet Oyunları
    • Avropa Gənclər Olimpiya Festivalı
  • Akademiya
  • Müsahibə
  • Özəl xəbər
  • P.S.
prosport.az
prosport.az
  • Futbol
    • Futzal
    • Çimərlik futbolu
    • Minifutbol
  • Güləş
  • Cüdo
  • Top oyunları
    • Voleybol
    • Basketbol
    • Həndbol
  • Döyüş növləri
    • Boks
    • Taekvondo
    • Karate
    • Kikboksinq
    • MMA
  • Digər idman növləri
    • Formula-1
    • Stolüstü oyunlar
  • Multiidman yarışları
    • Olimpiya Oyunları
    • Paralimpiya Oyunları
    • Avropa Oyunları
    • Universitet Oyunları
    • Avropa Gənclər Olimpiya Festivalı
  • Akademiya
  • Müsahibə
  • Özəl xəbər
  • P.S.
    • Haqqımızda
    • Əlaqə
    prosport.az
    Komanda AZ
        Digər idman növləri
    Tanınmış şahmatçımızla federasiya arasında qalmaqal böyüyür - "Bu məsələdə sona qədər gedəcəyəm"
    13.07.2024 11:43:41

    Vasif Durarbəyli Azərbaycan Şahmat Federasiyasının milli komandanın tərkibinin formalaşdırılması və olimpiadada iştirak şərtləri ilə bağlı bəyanatına münasibət bildirib.

    Prosport.Az xəbər verir ki, 32 yaşlı qrosmeyster bu barədə şəxsi feysbuk hesabında paylaşım edib:

    "Federasiya mənim komandadan xaric edilməyimi mətbuatda "əsaslandırıb". Bir neçə hissəyə bölərək cavablandırıram.

    "Milli komandanın heyəti şahmatçıların cari il ərzində daxili və beynəlxalq turnirlərdə, o cümlədən yerli yarışlar arasında ən önəmli sayılan – Azərbaycan çempionatında iştirakı, şahmatçının oyun hazırlığı, federasiyanın təşkil etdiyi məşqlərə qatılması, milli komanda dəyərlərinə hörmət etmək kimi prinsiplər əsas götürülür." Azərbaycan Şahmat Federasiyasının prezidenti cənab Məmmədov ilə mənim aramda 2024-cü ilin ilk yarım ili üçün imzalanmış müqavilədə ölkə çempionatında və ya daxili yarışlarda iştirak kimi öhdəliyim qeyd edilməyib. Retroaktiv şəkildə bu cürə tələblər qoyula bilməz.

    Federasiya bu il məni heç bir təlim-məşq toplanışına dəvət etməyib.

    Sonda, mən harada milli komanda dəyərlərinə hörmətsizlik nümayiş etdirmişəm? İndiyənə kimi bu barədə heç bir rəsmi xəbərdarlıq almamışam.

    "Milliyə dəvət alan şahmatçı komandadaxili münasibətlərin və işgüzar ab-havanın möhkəmlənməsində iştirak etməli, komanda ruhuna sadiq olmalı və ümumi məqsədi şəxsi prinsipindən üstün saymalıdır". Mənim Azərbaycanın aparıcı şahmatçıları ilə qarşılıqlı hörmətə söykənən münasibətim var. Əgər oyunçular mənim çıxışımın ab-havanı korlayacağına inanırlarsa, buyurub açıqlama versinlər. Onda mən də komandada olmamağımı ədalətli hesab edərəm. Əks təqdirdə mənim federasiya idarəçiləri ilə münasibətimin milli komandaya aidiyyəti olmamalıdır.

    "Millinin formalaşmasında şahmatçının FIDE reytinqi nəzərə alınır, lakin bu amil həlledici rol oynamır". Reytinq şahmatçının güc göstəricisidir. Yuxarıda qeyd edilən oyun hazırlığı və nəticələrinin təcəssümüdür. Üstəlik, Azərbaycan şahmat tarixində bunun əsas amil kimi götürülməsinin presedenti var. Bu halda reytinq necə həlledici rol oynamaya bilər?!

    "Milli komandaya namizədlər Azərbaycan Şahmat Federasiyasının İcraiyyə Komitəsinin üzvləri ilə müzakirə edilir və yekun qərar qəbul olunur". Bu, yəqin ki, cənab Məmmədovun özünü qorumaq cəhdidir. Qərarların İcraiyyə Komitəsi tərəfindən verilməsinə işarə edilir, bununla da məsuliyyətdən yayınmağa çalışır.

    Qərarlar deyirəm, çünki ilk iki üzvün adı may ayında açıqlanıb, deməli birinci qərar maydan öncə verilib. Görünür, İcraiyyə komitəsi hər iki aydan bir üzvləri təsdiqləyib.

    Qərarlar komitə tərəfindən verilibsə, lap yaxşı! Onda demək iclaslar keçirilib, səsvermələr olub və qərarlar əsaslandırılaraq qəbul edilib və bunları təsdiqləyəcək sənədlər mövcuddur. Tezliklə aydınlanar.

    "Milli komandanın heyəti formalaşarkən ehtiyat şahmatçı seçilib. Kişi və qadın şahmatçılardan ibarət komandalarda müvafiq olaraq Vasif Durarbəyli və Ayan Allahverdiyeva ehtiyat iştirakçı kimi siyahıya əlavə edilib. Milli komandanın əsas üzvləri ilə yanaşı, ehtiyatda adı qeyd olunan şahmatçılar da Azərbaycan Şahmat Federasiyası tərəfindən təqaüd proqramına daxil edilib". Cənab Məmmədova təqaüdümü kəsmədiyi üçün təşəkkürümü bildirirəm! Məhkəmə çəkişmələri üçün məmnuniyyətlə xərcləyəcəyəm. Bu məsələdə sona qədər hər mümkün istiqamətdə gedəcəyəm.

    Bu, mənim üçün şərəf və mənəviyyat məsələsidir. Reytinq xalı +2600 olan qrosmeyster heç nədən var olmur. Mənim yetişməyimdə Azərbaycan xalqının yüz minləri xərclənib. Bu səbəbdən mənim xalqıma mənəvi borcum var. Yığmada oynayıb, medal qazanaraq qismən bu borcu ödəmək arzum vardı. Haqqım ola-ola məni bu arzudan cənab Məmmədov məhrum etməməli idi".

    Digər idman növləri

    "Sərhədçi" uduzdu, amma qalib oldu

    22.11.2026 13:19:30
    Stolüstü oyunlar

    Nicat Abasov Qazaxıstanda liderliyə yüksəldi

    22.11.2026 00:00:29
    Digər idman növləri

    Azərbaycan ağırlıqqaldıranı Rusiyada bürünc medal qazandı

    19.11.2026 18:54:08
    Digər idman növləri

    Bakı–Xankəndi Azərbaycan Velosiped Yarışının yayımı ilə bağlı görüş

    19.11.2026 15:44:18
    Digər idman növləri

    İdmançılarımız Türkiyədə birinci oldular

    17.11.2026 22:49:08
    Digər idman növləri

    Azərbaycanlı məşqçi 2-ci dəfə Avropanın ən yaxşısı oldu

    17.11.2026 17:48:14
    Sosial şəbəkələr
    XƏBƏR LENTİ

    Renat oynadı, komandası qələbə qazandı

    22.11.2026 23:01:45

    Gəncədə mövsümün tamaşaçı rekordu yeniləndi

    22.11.2026 21:58:18

    ABL: "Neftçi" və "Sabah"ın liderliyi davam edir

    22.11.2026 20:52:35

    "Azarkeşlərimiz avrokubok xəyalı qura bilər" – Azər Məmmədov

    22.11.2026 20:49:31

    "Gəncədəki atmosfer avrokubok matçını xatırladırdı" – Qurban Qurbanov

    22.11.2026 20:25:55

    "İmişli" Ervins Perkonsu rəsmən baş məşqçi postuna təsdiqlədi

    22.11.2026 19:42:50

    II Liqa: Lider Şirvanda da büdrəmədi

    22.11.2026 19:01:17

    Premyer Liqa: Turun bağlanış oyununda qol olmadı - VİDEO

    22.11.2026 18:56:04

    Azərbaycanlı hakim-inspektor Çempionlar Liqasına təyinat aldı

    22.11.2026 18:13:33

    "Ağadadaş Salyanski "Neftçi"yə qarşı oynaya bilməz" – Yuri Maksimov

    22.11.2026 17:49:41

    "Bu, sanki bal çəlləyinə acı dad qatmaq kimi oldu" – Yuri Vernidub

    22.11.2026 17:30:32

    "Kəpəz" rəhbərliyi veteran futbolçuyla görüşüb

    22.11.2026 17:07:40

    "Neftçi" 3 xalı 3 qolla qazandı – VİDEO

    22.11.2026 16:42:42

    "Kəpəz" - "Qarabağ" - HEYƏTLƏR

    22.11.2026 16:34:09

    "Barselona"nı Bakıda 650 azarkeş dəstəkləyəcək

    22.11.2026 15:42:21
    MERIMAG
    ProSport.Az saytı müstəqil idman media qurumudur. Veb-sayt ölkə idman hadisələrindən özəl yazılar, Azərbaycan idmanının tanınmış simaları ilə müsahibələr yayımlamaq üçün yaradılıb
    © Copyright 2022, All Rights Reserved